No curso 2020-21 demos remate á primeira etapa do noso percorrido pola arte. Unha aventura iniciada no curso 2009-10, coa realización dun obradoiro co alumnado de 5º.
Era o comezo dun proxecto que se levou a termo con todos os niveis do Centro. Toni Casaus como especialista artístico e Marisa Núñez como coordinadora dende o Centro, preparáronnos once anos dun percorrido apaixoante por distintas técnicas e materiais.
Land Art, instalacións artísticas, videoarte, fotografía, infografía, volume, gravado, serigrafía, artes óptica, sonora, matérica, rupestre, cubismo, surrealismo, anamorfose, xeometría e tantos conceptos artísticos máis tiveron cabida nos distintos obradoiros que chegaron ao seu fin en 2021 co deseño de xogos, feito polo curso de 6º, como contribución á reforma dos patios .
E chegou o momento no que Toni Casaus e Marisa deron comezo a unha nova etapa vital. No cole deixaron cariño, bo facer e sabedoría artística. Tod@s aprendemos e gozamos cos once anos de obradoiros.
Grazas Toni e Marisa!
Picade no enlace para coñecer mellor esta etapa:
Deixámosvos, tamén, unha selección dalgúns momentos inesquecibles vividos ao aire libre.
web.jpg)
web.JPG)
Ningún comentario:
Publicar un comentario